سعودی آرمی چیف کی ایرانی ہم منصب سے ملاقات: دفاعی و باہمی تعاون کے فروغ پر تبادلہ خیال

تہران (نوائے وقت رپورٹ) سعودی عرب کے آرمی چیف فیاض الدویلی دورہ ایران پر تہران پہنچ گئے۔ سعودی میڈیا کے مطابق انہوں نے ایرانی ہم منصب جنرل محمد بغیری سے ملاقات کی جس میں دفاعی سفارتکاری‘ باہمی تعاون کے فروغ اور دیگر معاملات پر تبادلہ خیال کیا گیا۔ ایرانی خبر ایجنسی کے مطابق ایرانی آرمی چیف نے آئندہ سال بحری مشقوں میں سعودی بحریہ کی شرکت کی خواہش کا اظہار کیا۔ تعلقات بحالی کے بعد سعودی عرب کے عسکری اعلیٰ عہدیدار کا یہ اہم دورہ ہے۔