شیخو پورہ ‘ فیروزوالہ(نمائندہ خصوصی‘ نامہ نگار ) وفاقی وزیر صنعت و پیداوار رانا تنویر حسین نے کہا ہے کہ پی ٹی آئی کا سفر ایبسولوٹلی ناٹ سے ترلے منتوں تک پہنچ چکا ہے اور ٹرمپ کی جیت پر ان کے بھنگڑے چند دن تک ختم ہوجائیں گے۔انہوں نے کہا کہ یوٹرن لینے والے کو بڑا لیڈر قرار دینے والے کے پیروکاروں پر تر س آتا ہے۔ معاشی ترقی کے حوالے سے پاکستان ٹریک پر آئے گا نہیں بلکہ آچکا ہے اور ہم اپنی ڈائریکشن لے چکے ہیں۔ان خیالات کا اظہار انہوں نے پی پی 139 مسلم لیگ (ن) کے ورکرز کنونشن سے خطاب کرتے ہوئے کیااس موقع پر ایم پی اے پیر اشرف رسول ،پی پی 139 کے امیدوار رانا طاہر اقبال ،محمود اختر گورایہ، رانا انوار الحق،ملک نوید چوہان اور دیگرارکان بھی موجود تھیوفاقی وزیر رانا تنویر حسین نے کہا کہ  پنجاب کو ٹھیکے پر دے کر ہوٹلوں میں سودے بازیاں پی ٹی آئی حکومت کے سیاہ کارنامے ہیں۔وفاقی وزیر کا کہنا تھا کہ بانی پی ٹی آئی کی وجہ سے پاکستان تنہائی کا شکار ہوا اب دیگر ممالک کے تعاون سے ترقی کی طرف بڑھ رہے ہیں۔