واشنگٹن (نوائے وقت رپورٹ) امریکی صدارتی انتخابات میں ڈونلڈ ٹرمپ اور ان کی جماعت ریپبلکن پارٹی کی شاندار کامیابی‘ ساتوں سوئنگ سٹیٹس میں ڈیموکریٹس پر برتری حاصل کر لی۔ ڈونلڈ ٹرمپ نے صدارتی انتخابات میں ہفتے کے روز ایریزونا میں بھی کامیابی حاصل کر لی تھی۔ امریکی صدارتی انتخابات کے ابھی تک نتائج کے مطابق ڈونلڈ ٹرمپ نے 312 الیکٹورل ووٹ حاصل کئے ہیں جبکہ 2016ء کے انتخابات میں انہوں نے 304 الیکٹورل ووٹ لے کر کامیابی حاصل کی تھی۔ امریکی میڈیا نے ڈونلڈ ٹرمپ کو 50 میں سے نصف سے زیادہ ریاستوں میں فاتح قرار دے دیا ہے۔