وزیراعظم نے حکومتی فیصلوں پر عدالتی سٹے آرڈر کی رپورٹ طلب کر لی

اسلام آباد (نوائے وقت رپورٹ)وزیر اعظم شہباز شریف نے حکومتی فیصلوں پر عدالتی سٹے آرڈرز کی رپورٹ طلب کر لی۔وزیر اعظم آفس کی جانب سے حکومتی فیصلوں کے خلاف عدالتی حکم امتناع کے معاملے پر تمام سرکاری اداروں، وزارتوں اور ڈویڑنز کو مراسلہ ارسال کر دیا گیا۔مراسلے میں کہا گیا ہے کہ ان مقدمات کی تفصیل فراہم کی جائے جن میں حکم امتناع جاری ہوئے 6 ماہ گزر چکے ہیں، رپورٹ میں بتایا جائے متعلقہ اداروں نے حکم امتناع ختم کرانے کیلئے کیا اقدامات اٹھائے۔