یوم تاسیس اور پرچم لہرا مہم کو کامیاب بنائیں گے، چوہدری نوشاد علی خان

 چکوال(مہران ظفر ملک)حلقہ پی پی 20 سے پاکستان پیپلز پارٹی کے ٹکٹ ہولڈر و نواجوان سیاسی رہنما چوہدری نوشاد علی خان ایڈووکیٹ نے نویت وقت سے گفتگو کرتے ہوئے بتایا کہ پاکستان پیپلز پارٹی کے صوبائی صدر راجہ پرویز اشرف نے راولپنڈی ڈویژن میں موبلائزیشن کمیٹی قائم کر دی کمیٹی راولپنڈی ڈویژن کے اضلاع میں پارٹی سرگرمیوں، 30 نومبر کے یوم تاسیس اور پرچم لہرا مہم کو کامیاب بنانے کے لئے قائم کی گئی ہے انہوں نے مزید کہا کہ کمیٹی پارٹی کارکنوں اور عام آدمی کے درمیان موثر رابطے کو یقینی بنانے کے ساتھ ساتھ عہدیداران اور ٹکٹ ہولڈرز کی کارکردگی کا جائزہ بھی لیا جائے گا آخر میں ان کا کہنا تھا کہ یوم تاسیس اور پرچم لہرا مہم کو اپنے حلقہ میں کامیاب بنائیں گے اور قائد عوام کا پیغام گھر گھر پہنچائیں گے۔