اسلام آباد(اپنے سٹاف رپورٹر سے)چوری ،ڈکیتی کی وارداتوں میں شہری نقدی، زیورات، دو کاروں، چار موٹر سائیکلوں سمیت قیمتی سامان سے محروم ہو گئے تھانہ مارگلہ کے علاقے میں ڈکیتی کی واردات میں تین مسلح ڈاکو گھر سے نقدی، طلائی زیورات اور تین موبائل فون چھین کر فرار ہوگئے تھانہ رمنا کے علاقے میں گھر کے تالے توڑ کر نقدی، طلائی زیورات، لیپ ٹاپ،. موبائل فون اور قیمتی گھریلو سامان چوری کرلئے گئے تھانہ کرپا کے علاقے میں گھر سے تالے توڑ کر نقدی، زیورات، ایل سی ڈی اور موبائل فون چوری کرلئے گئے تھانہ آبپارہ اور تھانہ بھارہ کہو کے علاقوں سے 2کاریں، تھانہ شہزاد ٹائون ،تھانہ لوہی بھیر ، تھانہ آئی نائن ، تھانہ آبپارہ کے علاقوں سے ایک ایک موٹر سائیکل چوری ہوگیا۔