لاہور (سپورٹس رپورٹر) بی سی بی کے زیر اہتمام فیصل بینک ٹوئٹنی 20 کرکٹ ٹورنامنٹ میں ملتان ٹائیگرز نے پشاور پنتھرز، لاہور لائنز نے ایبٹ آباد فائلنز، جبکہ دفاعی چیمپئن شپ سیالکوٹ سٹالینز نے کراچی زبیرا کو شکست دی۔ قذافی سٹیڈیم لاہور میں افتتاحی تقریب میں پشاور نے ملتان کو جیتنے کیلئے 125 رنز کا ہدف دیا تو ملتان کی ٹیم نے عمران اللہ کی شاندار نصف سنچری کی بدولت 4 وکٹوں پر پورا کر لیا۔ ٹورنامنٹ میں دوسرے میچ میں لاہور لائنز کی ٹیم نے ٹاس جیت کر پہلے کھیلنے کا فیصلہ کیا اور مقررہ اوورز میں 6 وکٹوں پر 165 رنزبنائے۔ جس میں عبدالرزاق کی دھواں دھار بلے بازی کا مظاہرہ کرتے ہوئے 30 گیندوں پر 5 چوکوں اور چار چھکوں کی مدد سے 60 رنز بنائے۔ 166 رنز کے ہدف کے تعاقب میں ایبٹ آباد کی ٹیم مقررہ اوورز میں 7 وکٹوں پر 162 رنز بنا سکی۔ عبدالرزاق کو میچ کا بہترین کھلاڑی قرار دیا گیا۔ ٹورنامنٹ کے تیسرے میچ میں دفاعی چیمپئن شپ سیالکوٹ سٹالز کی ٹیم نے کراچی زبیرا کی ٹیم کو شکست دی۔ کراچی زبیرا نے پہلے بیٹنگ کرتے ہوئے مقررہ اوورز میں 9 وکٹوں پر صرف 99 رنز بنائے۔ جواب میں سیالکوٹ سٹالنز نے ہدف پورا کر لیا۔