گوجرانوالہ (نمائندہ خصوصی) موٹر سائیکل اور ٹرک کے درمیان تصادم میں میاں بیوی کمسن بچے سمیت جاں بحق ہو گئے۔ معلوم ہوا ہے کہ نوشہرہ ورکاں کا ذولقرنین اپنی بیوی سارہ اور تین سالہ بیٹے احمد کے ہمراہ موٹر سائیکل پر گوجرانوالہ آ رہا تھا۔ اعوان چوک کے قریب تیز رفتار ٹرک کے سا تھ تصادم کے نتیجے میں ذوالقرنین اور سارہ مو قع پر ہی جاں بحق جبکہ تین سالہ احمد شدید زخمی ہو گیا۔ ریسکیو اہلکاروں نے مو قع پر پہنچ کر دونوں میاں بیوی کی نعشوں کو ضروری کارروائی اورشدید زخمی بچے احمد کو طبی امداد کی فراہمی کیلئے ڈسٹرکٹ ہسپتال منتقل کیا جہاں پر کمسن بچہ بھی دم توڑ گیا۔ اروپ پولیس نے تحقیقات شروع کر دیں جبکہ ٹرک ڈرائیور حادثے کے بعد فرار ہو گیا۔
میاں بیوی بیٹا ہلاک