لاہور + فیروز والا (سٹاف رپورٹر+ نامہ نگار) تھانہ لٹن روڈ کے علاقہ میں مسافربس نے 26سالہ موٹرسائیکل سوار کوکچل دیامزنگ چونگی کے قریب موٹرسائیکل سوار26سالہ حسان کلمہ چوک کی طرف جارہا تھا کہ راستے میں رکشہ والے نے ٹکر ماردی جس پرموٹرسائیکل بے قابوہوتی ہوئی اور پیچھے سے آنیوالی تیز رفتار بس سے ٹکرا گئی اور موٹرسائیکل سوارحسان شدید زخمی ہوتے ہوئے موقع ہی پرجاں بحق ہوگیا واقع کے بعد گاڑیوں کی قطاریں لگ گئیں اور ٹریفک جام ہو گئی پولیس کا کہنا ہے کہ درخواست آنے پر کارروائی کی جائے گی۔ سبزہ زار میں سڑک پارکرتی خاتون رضیہ کو رکشہ نے ٹکرمار دی جس سے وہ شدید زخمی ہو گئی۔ کالاخطائی روڈ پر تیز رفتار کوسٹر ویگن موٹر سائیکل سوار کو بچاتے ہوئے بے قابو ہو کر بجلی کے پول سے ٹکرا کر الٹ گئی جس کے نیچے آکر کوسٹرکا مالک ڈرائیور عمر جاںبحق ہو گیا جبکہ متعددافراد زخمی ہو گئے۔ کوسٹر ویگن نارنگ سے لاہور آرہی تھی جب حاجی کوٹ کے قریب پہنچی تو اچانک سٹرک پر موٹر سائیکل سوار آگے آگیا جس کو بچاتے کھمبے سے ٹکرا کر الٹ گئی۔