موٹر سائیکل سواردو مسلح ڈاکو شہری سے گیارہ لاکھ روپے ، ایک ہزار سعودی ریال لوٹ کر فرار

راولپنڈی ۔اسلام آباد (اپنے سٹاف رپورٹر سے) ڈکیتی ، چوری کی وارداتوں میں شہری لٹ گئے تھانہ مورگاہ کو عبدالمنان نے بتایا کہ میں سیکٹر ایف الیون ون اسلام آباد سے گاڑی خریدنے آرہا تھا جب میں فوجی فائونڈیشن ہسپتال کے قریب پہنچا تو125 بغیر نمبر پلیٹ کے موٹر سائیکل پر دو مسلح ڈاکوئوں نے گن پوائنٹ پر مجھے روک لیا اور مجھ سے گیارہ لاکھ روپے کی نقدی ، ایک ہزار سعودی ریال لوٹ لئے اور فرار ہوگئے ڈکیتی کی مسلح واردات کی اطلاع ملنے پر پولیس بھی جائے واردات پہنچ گئی علاقے کی ناکہ بندی کی گئی لیکن ڈاکوئوں کا سراغ نہ مل سکا تھانہ شہزاد ٹائون کو عرفان احمد نے بتایا کہ ڈھوک مجوہاں میں ریڈ کو کمپنی کے ملازمین نے ایک کروڑساڑھے 13 لاکھ روپے مالیتی دو مکسچر مشینیں ، ایک واٹر ٹینکر چوری کرلئے تھانہ رمنا کو سیف الرحمٰن نے بتایا کہ سیکٹر جی ٹین ون میں میرے گھر سے دو لاکھ دس ہزار روپے کی نقدی چوری ہوگئی تھانہ کورال کو حافظ عدیل نے بتایا کہ گلبرگ گرین میں میرے زیر تعمیر مکان سے آٹھ لاکھ روپے مالیتی سریا چوری ہوگیاتھانہ آبپارہ کو محمد اشرف نے بتایا کہ پولی کلینک کی پارکنگ سے میری ہنڈا سٹی کار نمبرRIA - 1600 چوری ہوگئی تھانہ گولڑہ کومصور حسین نے بتایا کہ شاہ اللہ دتہ میں میرے گھر سے ڈیڑھ لاکھ روپے کی نقدی ، 20 تولہ وزنی طلائی زیورات ، پارچات چوری ہوگئے ۔