بدین میں محکمہ وائلڈ لائف نے گاڑی سے 11 سو زہریلے سانپ برآمد کرکے دو ملزمان کو گرفتار کرلیا۔ڈپٹی ڈائریکٹر محکمہ وائلڈ لائف غلام سرور کے مطابق بائی پاس پر ایک گاڑی پر چھاپا مارا گیا، جس کی تلاشی کے دوران گاڑی سے 11سو سانپ برآمد ہوئے۔انہوں نے بتایا کہ ان میں انتہائی خطرناک نسل کے 3کوبرا اور 30پھیئن سانپ بھی تھے جبکہ 92لونڈی، 15کراڑ اور دو منہ والے 10سانپ بھی برآمد کیے گئے۔سانپ لے جانے والے 2ملزمان کو گرفتار کرکے وائلڈ لائف ایکٹ کے تحت مقدمہ درج کرلیا گیا۔ملزمان کا کہنا تھا کہ سانپوں کو کراچی کے اسپتالوں میں فروخت کے لیے لے جایا جا رہا تھا۔سانپ لے جانے والے 2 ملزمان کے خلاف وائلڈ لائف ایکٹ کے تحت مقدمہ درج کرلیا۔