جھنگ‘ چیچہ وطنی‘ قبولہ گجرات‘سیالکوٹ‘ ڈسکہ ( نامہ نگاران+ نمائندہ خصوصی) 2 خواتین 6 بچوں سے زیادتی کے واقعات‘ گجرات میں 12 سالہ بچی کو بے آبرو کرکے جسم سگریٹ سے داغنے والا سفاک ملزم گرفتار‘ تفصیلات کے مطابق چیچہ وطنی کے علاقہ محمد آباد وارڈ نمبر 17 کے رہائشی نے پولیس تھانہ سٹی میں درخواست دی ظفر اقبال نے اس کے آٹھ سالہ بیٹے کو ڈرا دھمکا کر زیادتی کا نشانہ بنایا۔ ملزم کو اہل محلہ نے موقع پر ہی پکڑ کر پولیس تھانہ سٹی کے حوالے کر دیا۔ جبکہ جھنگ میں اے پی سیال کے رہائشی کی پولیس کو دی گئی درخواست میں بتایا گیا کہ دلشاد نے رات کے وقت اس کی بہو سے مبینہ طور پر زبردستی زیادتی کی علاوہ ازیں قبولہ میں نواحی گاؤں اڈہ کھراساں کا رہائشی عمران ہمسائے کے بیٹے جو پانچویں جماعت کا طالب علم ہے کو ورغلا کر قریبی کھیتوں میں لے گیا اور اسے زیادتی کا نشانہ بنایا۔ دوسری طرف گجرات میں 12سالہ بچی کو اغواء کے بعد زیادتی کا نشانہ بنانے اور سگریٹ سے جسم داغنے والا سفاک ملزم گرفتار ہو گیا۔ تھانہ سول لائن کے علاقہ مہمدہ میں 12سالہ بچی کریانہ سٹور پر سودا لینے گئی۔ جسے ملزم یاسر زبردستی موٹر سائیکل پر بٹھا کر لے گیا اور زبردستی زیادتی کی۔ ملزم یاسر کو گرفتار کرلیا گیا مزید براں تھانہ صدر سیالکوٹ کے گاؤں چرنڈ میں لڑکی کو اسکی ہمسائی سعدیہ بی بی نے اپنے گھر بلایا جہاں پہلے سے موجود زید اسے زبردستی کمرہ میں لے گیا اور زیادتی کر ڈالی۔ دریں اثناء ڈسکہ میں دسویں جماعت کے طالب علم کو زیادتی کا نشانہ بنایا گیا۔ سیالکوٹ کے علاقہ شمشیر پور میں 12سالہ لڑکا گلی میں کھیل رہا تھا اسی گاؤں کا ہیرا نامی شخص ورغلا کر لے گیا اور اس سے زیادتی کر ڈالی۔ پولیس نے اشفاق کی رپورٹ پر مقدمہ درج کر لیا۔ مزید برآں کامونکے محلہ فیصل ٹائون کے محنت کش کا بارہ سالہ بیٹا جو کہ ذہنی معذور ہے کو محلہ دار ورغلا کر قریبی حویلی مویشیاں میں لے گیا اور اسے زبردستی جنسی تشدد کا نشانہ بنا دیا ۔