پاکستان نے بھارت کو شکست دے کر انڈر21 بیڈ منٹن کا ڈبلز ٹائٹل جیت لیا

لاہور (سپورٹس رپورٹر+نمائندہ سپورٹس) پاکستان نے مالدیپ میں ہونے والی ساؤتھ ایشین انڈر 21بیڈمنٹن چیمپئن شپ میں مینزڈبلز ایونٹ کا ٹائٹل جیت لیا۔ چیمپئن شپ کے مینز ڈبلز فائنل میں پاکستان کے راجہ ذوالقرنین حیدر اور محمد عدنان پر مشتمل جوڑی نے بھارتی جوڑی کو شکست دی۔ قومی جوڑی کی فتح کا سکور 5-21، 12-21 اور 19-21رہا۔کھلاڑیوں نے کہا کہ فائنل میں بھارت کو شکست دینے پر بہت زیادہ خوشی ہو رہی ہے۔ آئندہ بھی اچھی کارکردگی کا مظاہرہ کرتے رہیں گے۔