اداکارہ علیزے میں کرونا وائرس کی تشخیص‘ خو د کو گھر میں قرنطینہ کر لیا

لاہور (این این آئی) ماڈلنگ سے شہرت حاصل کر کے اداکاری کی دنیا میں قدم رکھنے والی علیزے گبول کرونا وائرس کا شکار ہوگئیں۔ اداکارہ نے اپنے سوشل میڈیا پیغام میں اپنے دوستوں اور پرستاروں کو کورونا وائرس کی تشخیص کی خبر دیتے ہوئے بتایا کہ میرا کورونا وائرس کا ٹیسٹ مثبت آگیا ہے۔ انہوں نے لکھا کہ ’عالمی وباء کی علامات تیز بخار سے ظاہر ہونا شروع ہوئیں، لیکن اب میں ٹھیک ہوں‘۔اداکارہ نے بتایا کہ میں نے خود کو گھر میں الگ کرلیا ہے، جلد صحتیابی کیلئے پْرامید ہوں، علیزے نے مداحوں سے دعاؤں کی درخواست بھی کی۔