فیصل آباد (آن لائن) تھانہ مدینہ ٹائون کے علاقہ یوسف آباد میں تیزاب گردی، مشتعل بھائی نے سگے بھائی پر تیزاب پھینک دیا۔ یوسف آباد گلی نمبر2 کے دو سگے بھائیوں ایاز ولد زمان اور مزمل کے درمیان مقدمہ بازی کے باعث اکثر جھگڑا رہتا تھا۔ گزشتہ شب مشتعل مزمل نے اپنے سگے بھائی ایاز پر تیزاب پھینک دیا جس کے نتیجہ میں وہ بری طرح جل گیا۔ جسے طبی امداد کیلئے الائیڈ ہسپتال منتقل کر دیاگیا۔ جہاں پر اس کی حالت تشویشناک بتائی جا رہی ہے۔