حاصل پور (نامہ نگار) بکریاں چرانے والے 16سالہ محمدعمر کو نامعلوم افراد نے گلہ دبا کرہلاک کر دیا نعش فصلوںکے قریب پھینک گئے۔ حاصل پور کے نواحی گائوں چک نمبر88فتح کالونی کے  عبدالقیوم کا  16 سالہ بیٹا محمد عمر بکریاں چرانے کے بعد شام کو واپس گھر آیا اور پھر گھر سے باہر چلا گیا دوبارہ واپس گھر نہ آیا صبح اس کی نعش گائوں کے قریب فصلوں کے باہر پڑی ملی محمد عمر کے والد نے الزام لگایا کہ محمد عمرکو مبینہ طور پر زیادتی کے بعد گلہ دباکر ہلاک کیا گیا ہے محمدعمر کی نعش پوسٹ مارٹم کے بعد وارثان کے حوالے کر دی گئی۔ جبکہ رپورٹ آنا ابھی باقی ہے جس سے ثابت ہو گا کہ زیادتی ہوئی ہے یا نہیں ۔