کابل (شنہوا ،نیٹ نیوز) افغانستان میں سڑک کنارے نصب بم دھاکے میں 7 افراد ہلاک اور 19 زخمی جبکہ قندوز کے ضلع خان آباد میں پولیس چوکی پر طالبان کے حملے میں 7پولیس اہلکار مارے اور4لاپتہ ہو گئے ۔ ہلمند میں ہائی وے پر ایک مسافر بس سڑک کنارے نصب بم دھماکے میں تباہ ہو گئی جس کے نتیجے میں 5 افراد ہلاک اور 9 زخمی ہو گئے۔ اسی طرح صوبے ہرات میں بھی سڑک کنارے نصب بم اس وقت زوردار دھماکے سے پھٹ گیا جب وہاں سے ایک مسافر  بس گزر رہی تھی۔ دھماکے میں 2 مسافر ہلاک اور 10 زخمی ہو گئے۔ ہلاک اور زخمی ہونے والوں میں خواتین اور بچے بھی شامل ہیں۔