ماسکو (نیٹ نیوز) روس کے علاقے تاتارستان میں چھوٹا طیارہ گر کر تباہ ہوگیا۔ حادثہ میں 19 افراد ہلاک ہو گئے۔ روسی میڈیا کے مطابق حادثے کا شکار ہونے والے ایل 140 طیارے میں 22 کے قریب افراد سوار تھے۔ جن میں 2 پائلٹ اور 20 سکائی ڈائیورز شامل تھے۔ طیارہ حادثے میں 19 افراد کی ہلاکت جبکہ 3 افراد زخمی ہوئے۔ روسی حکام کا کہنا ہے کہ طیارہ حادثے کی وجوہات کے بارے میں تاحال معلوم نہیں ہو سکا ہے تاہم واقعے کی تحقیقات کا آغاز کر دیا گیا ہے۔