لاہور(سپیشل رپورٹر) پنجاب یونیورسٹی کیمپس گوجرانوالہ میں حکومت پنجاب کی ہدایت پر ”تعلیم اور ہنر ساتھ ساتھ “کے عنوان سے پانچواں آگاہی سیمینار منعقد ہوا۔ سیمینار میں مہمان اعزاز ڈائریکٹر جنرل پی آئی ٹی بی ساجد لطیف اور ڈائر یکٹر جنرل پنجاب یونیورسٹی پروفیسر ڈاکٹر نوید اقبال کے علاوہ جوائنٹ ڈائریکٹر پی آئی ٹی بی احمد اسلام‘ موٹیویشنل سپیکرز ‘فیکلٹی ممبران اور طلبا کی بڑی تعداد شریک ہوئی۔ اس موقع پر ڈائریکٹر جنرل ساجد لطیف نے کہا کہ نوجوان علم کے ساتھ ساتھ ہنر بھی سیکھیں تاکہ فعال شہری بن کر معاشرے کی ترقی میں اپنا کردار ادا کر سکیں۔ انہوں نے کہا تعلیم اور ہنر ساتھ ساتھ آگاہی مہم کے تحت دیگر اضلاع میں بھی مزید سیمینار منعقد کروائے جائیں گے۔ پروفیسر ڈاکٹر نوید اقبال نے کہا کہ نوجوانوں کی پہلی ترجیح تعلیم و ہنر ہونی چا ہیے تاکہ ملک و قوم کی بہتر انداز میں خدمت کر سکیں۔ سیمینار سے موٹیو یشنل سپیکرز نے بھی خطاب کیا۔
 اور اپنے تجربات سے نوجوانوں کو بہرہ مند کیا۔