عید میلادالنبیؐ پر شہر بھر میں تقریبات، جلوس، ریلیاں

 لاہور(خصوصی نامہ نگار)12ربیع الاوّل جشن ولادت خاتم الانبیاء انتہائی عقیدت واحترام کیساتھ بھرپوراندازسے منایاگیا، جلوس نکالے گئے، ریلیوں کا انعقادکیا گیا۔سنی اتحاد کونسل اور متحدہ علماء بورڈ پنجاب کے چیئرمین صاحبزادہ حامد رضا نے جامعہ رضویہ سے شروع ہونے والے مرکزی جلوس کی قیادت کی اور جلوس کے شرکاء سے خطاب کرتے ہوئے کہا  نبی کریم ؐکی ولادت کائنات انسانی کیلئے اللہ کا عظیم احسان ہے۔تحریک لبیک پاکستان کے زیر اہتمام سالانہ جلوس امیر تحریک حافظ سعد حسین رضوی کی قیادت میں نکالا گیا۔  حافظ سعد حسین رضوی نے کہا کہ میرے آقا و مولیٰ کی شان نے ہی اس دنیا کا حسن مکمل کیا۔