لاہور(نیوزرپورٹر)پاکستان تحریک انصاف کے سینئرمرکز ی رہنما ایم شاہ زید خان نے کہاہے کہ نبی کریم ؐ کی تعلیمات پر عمل پیرا ہو کر ہی ہم دنیا آخرت کی بھلائیاں اورکامرانیاں حاصل کرسکتے ہیں۔ نبی رحمت نے دنیا پر چھائی جہالت کی تاریکیوں کو اپنی تعلیمات کی روشنی سے منور کیا اور بھٹکی ہوئی انسانیت کو سیدھا راستہ دکھایا ان خیالات کا اظہار انہوں نے اپنی رہائش گا ہ پر سیرت النبیؐ کانفرنس سے خطاب کرتے ہوئے کیا۔