کراچی (نیوز رپورٹر)مرکزی اہلسنت حنفیہ عالمگیر جامع مسجد ٹرسٹ لانڈھی سے عظیم الشان مرکزی جلوس صبح بہار اں الحاج محمد سعید خان صابری، مفتی خرم اقبال رحمانی، مولانا سید فیض رسول شاہ قادری، مولانا اطہر میاں، اختر القادری، پیر صفدرشاہ سیفی،مولا نا عمران احمد خان، مولانا عمر فاروق حنفی، محمد فاروق،مولانا عبدالاحد ادریسی،قاری خالد حسین قادر ی اور دیگر کی قیادت میں نکالا گیا۔ جلوس میں درود وسلام کی بے مثل اور خوبصورت صدائیں سماعتوں سے ٹکراکر کانوں میں رس گھول رہی تھی۔ جلوس صبح بہاراں کی شرکا اور قائدین پر مختلف جگہوں پر گل پاشی کی گئی شرکا جلوس کے استقبال کے لئے لگائے گئے۔کیمپوں پر الحاج محمد سعیدخان صابری، مفتی خرم اقبال رحمانی، مولانا اطہر میاں، مولانا فیاض رسول شاہ قادری نے خطاب کرتے ہوئے کہا کہ امت محمدی جب تک ابتاع رسول ؐسے سرشار رہی و سائل وافراد کی کمی کے وباجود اقوام عالم میں اس کا رعب و دبدبہ رہا اگر آج بھی امت مسلماں اقوام عالم میں قدرومنزلت کا حقیقی مقام پانا چاہتی ہے تو اسے دل و جان سے اطاعت و اتباع رسولؐ کا خوگر بننا ہوگا۔جلوس صبح بہاراں کے شرکا کورنگی نمبر5، مرکزی لانڈھی کورنگی میلادالنبی  ﷺ کمیٹی کے جلسے میں شرکت کی اور خطاب کئے۔