سندھ پیرا ویٹرنری اسٹاف ایسوسی ایشن کی تنظیمی باڈیز تحلیل

حیدرآباد(بیورو رپورٹ)سندھ پیرا ویٹرنری اسٹاف ایسوسی ایشن کی تنظیمی باڈیز تحلیل کردی گئیں، جنرل باڈی کا اجلاس 23 اکتوبر کو طلب کرلیا گیا۔ سندھ پیرا ویٹرنری اسٹاف ایسوسی ایشن کے سابق صدر عبدالستار سومرو نے حیدر آباد پریس کلب میں مرکزی رہنماؤں منتھر علی بردی، محمد داؤد عمرانی، غلام حسین بہلکانی اور دیگر کے ہمراہ پریس کانفرنس کرتے ہوئے کہا کہ  پیرا ویٹرنری اسٹاف ایسوسی ایشن (SPWA) اکتوبر 2022 کی تکمیل کے بعد، مرکزی اور ضلعی سطح سمیت تمام تنظیمی باڈیز کو ختم کر دیا گیا ہے اور دلشیرمنگریو کے چیف الیکشن کمشنر کو مشترکہ مشاورت سے مقرر کیا گیا ہے، جنہوں نے جنرل باڈی کا اجلاس بھی طلب کیا ہے۔ 23 اکتوبر کو چیف الیکشن کمشنر مشترکہ  مشاورت سے اجلاس میں عہدیداروں کا اعلان کر سکتے ہیں۔ان کی خواہش ہے کہ ملازمین کے مسائل کے حل کے لیے نئے چہرے سامنے آئیں میں ان کا خیر مقدم کروں گا اور مل کر کام کروں گا۔گزشتہ تنظیمی ادوار میں ڈائریکٹر جنرل لائیو سٹاک ڈاکٹر نذیر حسین نے بھرپور تعاون کیا اور ملازمین کے مسائل کے حل میں بھی اپنا کردار ادا کیا جس کے لیے ہم ان کے مشکور ہیں۔