عمران خان پوری قوم کی جنگ لڑ رہا : چودھری بشیر ‘ اعجاز سلطان 

بورے والا ‘ گگو منڈی (نامہ نگار)چوہدری امجد حمید چوہان امیدوار قومی اسمبلی کی جانب سے اپنے مرکزی دفتر جملیرا روڈ پر لاہور سے منتخب ہونے والے ایم پی اے چوہدری شبیر احمد گجر اور آزاد کشمیر کے وزیر سپورٹس چوہدری مقبول احمد گجر کے اعزاز میں استقبالیہ تقریب اور علاقہ سے پی ٹی آئی کے ورکرز کا کنونشن منعقد کیا جس میں سے ایم پی اے چوہدری اعجاز سلطان بندیشہ، چوہدری خالد محمود گجر ،چوہدری حلیم اختر گجر،چوہدری خورشید احمد ،صوبائی وزیر معدنیات چوہدری لطیف نذر گجر کے بھائی چوہدری محمد طارق گجر،چوہدری جاوید گجر،چوہدری عباس گجر چیچہ وطنی،تحصیل صدر بورے والا غلام مصطفی بھٹی، چوہدری اعجاز اسلم،چوہدری طارق محمود باجوہ، چوہدری امجد گورایہ، چوہدری عامر رمضان گجر، چوہدری عدنان گجر، ظہیر احمد گجر کے علاوہ کارکنان کی کثیر تعداد نے شرکت کی۔ ممبران پنجاب اسمبلی چوہدری شبیر احمد گجر،چوہدری اعجاز سلطان بندیشہ، وزیر سپورٹس آزاد کشمیر چوہدری مقبول احمد گجر اور چوہدری امجد حمید چوہان نےکہا کہ عمران خان ایک سچا اور بہادر لیڈر ہے جو پوری قوم کی جنگ لڑرہا ہے اور قوم کو ان چوروں لٹیروں اور امریکہ کے غلاموں سے نجات دلانے کے لئے جہاد کررہا ہے اس جہاد میں ہم سب اور پوری قوم نے اسکا ساتھ دینا ہے۔ رہنما¶ں، عہدیداران اور ورکرز نے امجد حمید چوہان کی بھر پور حمایت کا اعلان کرتے ہوئے ان کی انتخابی مہم کا آغاز کردیا۔