نوازشریف ہر بار پاکستان ٹھیک کر کے دکھاتے، اس مرتبہ بھی ایسا ہی ہو گا: مریم نواز

لاہور (نوائے وقت رپورٹ) مریم نواز نے کہا ہے کہ جب سب کہتے ہیں کہ پاکستان ٹھیک نہیں ہو سکتا نواز شریف ہر بار پاکستان ٹھیک کر کے دکھاتا ہے، اس بار بھی ایسا ہی ہو گا۔ نواز شریف کا ساتھ مہنگائی سے نجات کی ضمانت ہے۔ لاہور میں یو سی کے عہدیداروں اور کارکنوں سے ملاقات میں مریم نواز نے کہاکہ عوام کے ووٹ سے نواز شریف چوتھی بار وزیراعظم بنیں گے۔ عوام کے دلوں میں نواز شریف کی محبت کی تختی لگی ہے۔