لاکھوں کے ڈاکے، چوریاں، شہری زیورات، گاڑیوں اور موٹرسائیکلوں سے محروم 

لاہور (سٹاف رپو رٹر) چوری و ڈکیتی کی متعدد وارداتوں میں شہریوں سے لاکھوں روپے طلائی زیورات، موبائل فون، موٹرسائیکلوں اور گاڑیوں سمیت دیگر سامان چھین لیا گیا۔ تفصیلات کے مطابق ہربنس پورہ میں مہرالدین سے 2لاکھ 50ہزار روپے اور موبائل فون، گجرپورہ میں طارق سے 2لاکھ 40 ہزار روپے اور موبائل فون، نشتر کالونی میں شان علی سے 2لاکھ 20ہزار روپے اور موبائل فون، اسلام پورہ میں زاہد سے 2 لاکھ روپے اور موبائل فون، ساندہ میں واجد سے 1 لاکھ 90ہزار روپے اور موبائل فون۔جوہرٹاون میں ثاقب سے 1لاکھ 80 ہزار نقدی اور موبائل فون، شمالی چھاؤنی میں دانش سے ایک لاکھ 60ہزار روپے موبائل فون اور دیگر سامان لوٹ لیا گیا۔ ماڈل ٹاون اور ستوکتلہ سے گاڑیاں جبکہ مسلم ٹاؤن سبزہ زار اور شفیق آباد سے موٹرسائیکلیں چوری ہو گئیں۔