زیور تعلیم پروگرام کے تحت  رجسٹریشن ‘ رقم کی شفاف منتقلی  کیلئے آگاہی مہم کا افتتاح

قصور (نمائندہ نوائے وقت) پنجاب سوشل پروٹیکشن اتھارٹی کی وائس چیئرپرسن جہاں آرا منظور وٹو نے بچیوں کے عالمی دن کے حوالے سے زیور تعلیم پروگرام کے تحت رجسٹریشن اور رقم کی شفاف منتقلی کیلئے آگاہی مہم کا افتتاح گورنمنٹ گرلز ہائی سکول حاجی فرید روڈ قصور میں کیا۔ اس موقع پر ایڈیشنل ڈپٹی کمشنر جنرل عمر اویس‘چیف ایگزیکٹو آفیسر ایجو کیشن اتھارٹی ملک انور ندیم، یو این ویمن کی نمائندہ سدرہ ہمایوں اور PMIU‘اساتذہ‘والدین و طالبات کی کثیر تعداد موجود تھی۔ اس موقع پر وائس چیئر پرسن جہاں آرا ومنظور وٹو کا پرتپاک استقبال کیا گیا۔