شیخوپورہ(نامہ نگارخصوصی)پاکستان پیپلز پارٹی کے ضلعی سینئر نائب صدر چودھری خالق عزیز ورک نے کہا ہے کہ پیپلز پارٹی ہر دور میں مظلوم مسلمانوں کے ساتھ کھڑی رہی ہے قائد عوام شہید ذوالفقار علی بھٹو سے لیکر بلاول بھٹو زرداری تک تمام لیڈر نے ہمیشہ مقبوضہ کشمیر اور فلسطین سمیت تمام مقبوضہ علاقوں کے مظلوم مسلمانوں کے حق میں بھرپور آواز اٹھائی اور آئندہ بھی ساتھ دیتے رہیں گے ان خیالات کااظہارانہوں نے صحافیوں سے گفتگو کے دوران کیا اس موقع پر کارکنان کی بڑی تعداد بھی موجودتھی چودھری خالق عزیز ورک نے کہاکہ اسرائیل کا مقصد ایک بڑی سلطنت کا قیام ہے اور وہ اپنے راستے کی ہر رکاٹ کو ختم کرنا چاہتا ہے غزہ میں گزشتہ ایک سال سے جاری فلسطینیوں کے قتل عام اور نسل کشی کے نتیجے میں 42 ہزار سے زائد معصوم نہتے فلسطینی بچے، خواتین، بزرگ جامِ شہادت نوش کرچکے۔