ہیری بروک 34 سال بعد انگلینڈ کی جانب سے ٹرپل سنچری بنانے والے بیٹر

لاہور(سپورٹس رپورٹر)ہیری بروک 34 سال بعد انگلینڈ کی جانب سے ٹرپل سنچری بنانے والے بیٹربنے۔ یہ انگلینڈ کی جانب سے ٹیسٹ کرکٹ تاریخ کی چھٹی ٹرپل سنچری ہے جبکہ 310 گیندوں پر ٹرپل سنچری بنا کر ٹیسٹ کرکٹ کی تاریخ کی دوسری تیز ترین ٹرپل سنچری کا ریکارڈ بھی بنایا۔ہیری بروک پاکستان میں مسلسل چار ٹیسٹ میچز میں لگاتار سنچریاں بنانے والے انگلینڈ کے پہلے بیٹربنے۔25 سالہ ہیری بروک نے 2022 کے دورہ پاکستان کے دوران پنڈی ٹیسٹ میں 153، ملتان ٹیسٹ میں 108 اور کراچی ٹیسٹ میں 111 رنز بنا کر مسلسل 3  میچز میں تین ہندسوں والی اننگز کھیلی تھیں۔ہیری بروک پاکستان کی سرزمین پر یہ کارنامہ انجام دینے والے واحد کھلاڑی ہیں۔