لاہور(سپورٹس رپورٹر)جنوبی افریقہ میں جاری کامن ویلتھ پاور لفٹنگ چیمپئن شپ میں پاکستان کے نوح بٹ نے 3 گولڈ اور ایک برونز میڈل جیت لیا۔نوح بٹ نے 120 کلوگرام کیٹیگری میں پاور لفٹنگ کے نئے کامن ویلتھ چیمپئن کا ٹائٹل حاصل کر لیا۔نوح بٹ نے 120 کلوگرام کی اوپن کیٹیگری میں گولڈ میڈل حاصل کرتے ہوئے بینچ پریس اور سکواٹ میں بھی شاندار کارکردگی دکھائی۔ انہوں نے سکواٹ کیٹیگری میں 370 کلوگرام کا وزن اٹھا کر گولڈ میڈل جیتا۔ بینچ پریس میں 210 کلوگرام کا وزن اٹھا کر گولڈ میڈل اپنے نام کیا۔ڈیڈ لفٹ کی کیٹیگری میں 280 کلوگرام وزن اٹھا کر برونز میڈل بھی حاصل کیا۔ اوپن کیٹیگری میں نوح بٹ نے مجموعی طور پر 860 کلوگرام کا وزن اٹھا کر ٹائٹل اپنے نام کیا۔نوح بٹ اس سے قبل ویٹ لفٹنگ میں بھی پاکستان کیلئے متعدد میڈلز حاصل کر چکے ہیں ۔