لاہور یوتھ فیسٹول کاتیسرا دن:فیسٹول ذہنی ، جسمانی صحت کیلئے انتہائی ضروری :طلباء 

لاہور(نیوز رپورٹر) لاہور یوتھ فیسٹول کے لوگو اور فلوٹ کی رونمائی کے تیسرے دن کنگ ایڈورڈ میڈیکل کالج فاطمہ جناح میڈیکل کالج، کوئین میری کالج اور یونیورسٹی آف انجینئرنگ اینڈ ٹیکنالوجی میں طلبا و طالبات کو فیسٹول کی سرگرمیوں بارے تفصیلی آگاہ کیاگیا۔ طلبا وطالبات نے روایتی جوش و خروش کامظاہرہ کیا اور لوگواور فلوٹ کے ساتھ سیلفیاں بھی بنائیں۔ طلباء نے یوتھ فیسٹول کو لاہور کے ایونٹس میں ایک اہم اضافہ قراردیتے ہوئے کہا یہ فیسٹول طالب علموں کو صحت مندانہ اور مثبت سرگرمیاں فراہم کرنے میں اہم کردار ادا کرے گا۔ طلباء نے کہا انجینئرنگ اور میڈیکل کی پڑھائی کے سخت اوقات کار کی وجہ سے ان کے پاس تفریح کے مواقع محدودہوتے ہیں ایسے میں لاہور یوتھ فیسٹول جیسے ایونٹس کا انعقاد ذہنی اور جسمانی صحت کیلئے انتہائی ضروری ہے۔ تعلیمی اداروں کے طلبہ و طالبات نے لاہور یوتھ فیسٹیول میں بھرپور شرکت کے عزم کا اظہار کیا جبکہ یونیورسٹی کے اساتذہ نے لاہور یوتھ فیسٹول جیسے مزید ایونٹس کے انعقادپر زوردیا اورایسی سرگرمیوں کو خوش آئند قرار دیا ہے۔