عوام کو ریلیف کی فراہمی میں  ن لیگ اہم کرداراداکررہی ،ناصر شیخ 

 سنجوال کینٹ (نامہ نگار)پاکستان مسلم لیگ (ن) کے رہنما سابق چیئرمین بلدیہ اٹک ناصر محمود شیخ نے کہا ہے کہ مریم نواز شریف نے جس طرح پنجاب کے عوام کی خدمت کرنے کا سلسلہ شروع کیا ہے اس کی تاریخ میں مثال نہیں ملتی قوم نے دیکھ لیا کہ ان کی خدمت کون بہتر کرسکتا ہے۔ عوام کو ریلیف کی فراہمی میں جو کردار(ن)لیگ ادا کررہی ہے وہ ملکی سیاسی تاریخ میں سنہری حروف سے لکھا جائیگا۔ مشکل حالات کے باوجود حکومت نے معیشت کو توانا بنانے اور عوام کو درپیش مسائل کے حل کیلئے مثالی اقدامات کئے جن کے ثمرات عوام کو ہرسطح پر میسر آرہے ہیں اورغریب طبقات کا معیار زندگی تیزی سے بلند ہورہا ہے۔مسلم لیگ(ن) ملک کی تعمیر و ترقی و خوشحالی کیساتھ ساتھ غریبوں کے حقوق کی جنگ لڑتی آئی ہے۔