چیسٹرلی سٹریٹ میں کھیلے گئے میچ میں پاکستان نے ٹاس جیت کر پہلے انگیلنڈ کو کھیلنے کی دعوت دی۔ میزبان ٹیم نے بارش سے متاثرہ میچ میں پہلے کھیلتے ہوئے مقررہ اکتالیس اوورز میں چھ وکٹوں کے نقصان پر دو سو چوہتر رنزبنائے۔ انگلینڈ کی طرف سے سٹیو ڈیویز نے ستاسی، جوناتھن ٹروٹ نے انہتر اور اینڈریو سٹراؤس نے اکتالیس رنز بنائے۔ روی بوپارا پینتیس رنز بنا کر ناٹ آؤٹ رہے۔  پاکستان کی طرف سے سعید اجمل نے اٹھاون رنز دے کر چار کھلاڑیوں کو پویلین کی راہ دکھائی۔ جواب میں پاکستانی ٹیم مقررہ اوورز میں نو وکٹوں کے نقصان پر دو سو پچاس رنز بنا سکی۔  کامران اکمل تریپن، عمر اکمل تینتالیس، فواد عالم انتالیس اور محمد حفیظ تیس رنز بنا کر نمایاں رہے۔ شاہد آفریدی انیس اور محمد یوسف آٹھ رنز بنا سکے۔ انگلینڈ کی جانب سے جیمز اینڈرسن، ٹم برینسن، گریم سوان اور مائیکل یارڈی نے دو، دو وکٹیں حاصل کیں۔