نیویارک میں جاری سال کے آخری گرینڈ سلام کے سیمی فائنل میں بیلجئیم کی کم کلائسٹرز نے امریکہ کی وینس ولیمز کو سخت مقابلے کے بعد شکست دے کر فائنل کے لئے کوالیفائی کیا۔ کلائسٹرز نے پہلا سیٹ چار چھ سے ہارنے کے بعد کم بیک کیا اور اگلا سیٹ سات چھ سے جیت کر مقابلہ ایک،ایک سے برابر کردیا۔ تیسرے اور فیصلہ کن سیٹ میں بھی دلچسپ مقابلہ ہوا اور یہ سیٹ میں کم کلائسٹرز نے چھ چار سے جیت کر میچ جیت لیا۔