اوول (سپورٹس ڈیسک) انڈیا کو آخری ٹیسٹ میچ میں بھی شکست کا سامنا ہے اس نے دوسری اننگز میں 58رنز بنالئے ہیں اور اس کے تین کھلاڑی آؤٹ ہوئے۔ اس سے قبل انگلینڈ نے کک اور روٹ کی شاندار سنچری کی بدولت 423رنز 8کھلاڑی آؤٹ پر اننگز ڈیکلیئر کرکے انڈیا کو کامیابی کیلئے 464رنز کا ہدف دیا۔ دوسری اننگز میں انڈیا کا آغاز تباہ کن تھا صرف 2رنز پر کوہلی، شیکھر دھوان اور پجارا پویلین لوٹ گئے۔ راہول اور راہانے نے سنبھل کر کھیلنا شروع کیا اور کھیل ختم ہونے تک مزید نقصان نہ ہونے دیا۔ انڈیا کو کامیابی کیلئے ابھی مزید 406رنز درکار اور اس کی 7وکٹیں باقی ہیں۔ اینڈرسن نے 2اور براڈ نے ایک وکٹ لی۔ کک نے اپنے آخری ٹیسٹ کو سنچری سے یادگار بنا لیا۔ وہ 147رنز بنا کر آؤٹ ہوئے جن میں 14چوکے شامل ہیں۔ انہوں نے پہلی اننگز میں 71رنز بنائے تھے ان کے ساتھ روٹ نے بھی سنچری بنائی وہ 125رنز بنا کر آؤٹ ہوئے۔