لاہور(سپورٹس ڈیسک) پاکستان اور بھارت میں ممکن نہیں کہ کوئی کرکٹر میچ کے دوران گرائونڈ آنے اور جانے کیلئے پبلک ٹرانسپورٹ استعمال کرے۔لیکن الیسٹر کک ہمیشہ ایسا ہی کرتے ہیں۔وہ اوول میں الوداعی انٹرنیشنل میچ کیلئے ہر روز صبح گھر سے زیر زمین ٹرین’ٹیوب ‘ کے ذریعے اوول پہنچتے ہیں، کھیل ختم ہونے کے بعد اسی طرح گھر لوٹ جاتے ہیں۔وہ آخری میچ کھیل رہے ہیں اور بین الاقوامی میڈیا کی پوری توجہ ان پر ہے لیکن سٹار بیٹسمین کے معمول میں کوئی فرق نہیں آرہا۔