حافظ آباد (نامہ نگار+نمائندہ نوائے وقت) ساگرروڈ پر امیرالمومنین حضرت سیدنا عمر فاروق ؓ کی یاد میں منعقدہ کانفرنس سے خطاب کرتے ہوئے جماعت اہلسنت کے عالم دین علامہ فیصل ندیم کیلانی نے کہا کہ خلفائے راشدین ؓ کا دور ایک سنہری دور تھا۔ جس میں اسلام کا پرچم دنیا میں لہرانے لگا۔ سیدناحضرت عمرفاروقؓ اور سیدنا حضرت عثمان غنی ؓ کے دور میں جوفتوحات ہوئیں ۔ انکی وجہ سے اسلام کا ابدی پیغام چہار سو پھیلنے لگا۔ انہوں نے کہ سیدنا عمرفاروقؓ نے عدل ومساوات کے سلسلہ میں جو کارہائے نمایاں انجام دیئے ،آج غیر مسلم بھی اس سے استفادہ کررہے ہیں۔