موٹر وے انٹر چینج کالاشاہ کاکوکے قریب ڈاکوؤں کی گاڑیاں کوروک کر وارداتیں

فیروزوالہ ( نامہ نگار)موٹر ووے انٹر چینج کالا شاہ کاکو کے قریب ڈاکوئوں نے سڑک بلاک کر کے متعدد گاڑیاں روک کر لوٹ لی موٹرووے پولیس اور مقامی پولیس علاقہ سے غائب ڈاکو فائرنگ کرتے ہوئے فرار ہو گئے بتایا گیا ہے کہ ٹرک ڈرائیور آصف نے پولیس کو اطلاع دی کہ ڈاکوئوں نے موٹرووے مسن کالر کے قریب سڑک پر رکاوٹ پیدا کر کے متعدد گاڑیاں کاریں ، ٹرک روک کر لوٹ رہے ہیں جس پر پولیس موٹرووے تاخیرسے پہنچی تو ڈاکوئوں نے پولیس کو دیکھ کر فائرنگ کر دی اور لوٹ مار کرنے کے بعد فرار ہو گئے۔علاوہ ازیں تھانہ شرقپور کے علاقہ میں بدھو روڈ پر ڈاکوئوں نے ناکہ لگا کر درجنوں راہگیروں مزمل حسین، محمد طارق ، آصف، شرافت علی ، خادم حسین اور مقصور وغیرہ کو روک کر لوٹ لیا ان سے لاکھوں روپے کی رقم قیمتی اشیاء چھین کر لے گئے ڈاکوئوں نے متاثرہ افراد کو رسیوں سے باندھ کر ویران جگہ پر پھینک دیا۔راوی ریان کے قریب ڈاکوئوں نے شہزاد کو روک کر نقدی ‘موبائل چھین لیا۔علاوازیں ڈاکوئوں نے ارسلان احمد اور اس کی بیوی کو روک کر لوٹ لیا نقدی ، زیورات چھین کر لے گئے ۔