فیس بک دوستی، ملاقات کیلئے گجرات سے آنیوالی لڑکی موٹرسائیکل میں دوپٹہ پھنسنے سے جاں بحق 

کسووال(نامہ نگار)فیس بک عشق کا افسوس ناک انجام، فیس بک دوست سے ملاقات کیلئے گجرات سے آنے والی لڑکی موٹرسائیکل کی چین میں دوپٹہ پھنسنے سے جاں بحق ہوگئی۔ذرائع کے مطابق گجرات کی رہائشی شادی شدہ تین بچوں کی ماں طیبہ نامی لڑکی کی 21 چودہ ایل کے رہائشی آصف نامی نوجوان سے فیس بک پر دوستی ہوئی۔ لڑکی جب ملنے آئی اور دونوں موٹرسائیکل پر جارہے تھے کہ اچانک لڑکی کا دوپٹہ موٹرسائیکل کی چین میں پھنسنے سے لڑکی جاں بحق ہوگئی، پولیس تھانہ صدر میاں چنوں نے نوجوان کو گرفتار کرکے حوالات میں بند کردیا اور لڑکی کے ورثاء کو اطلاع کردی ۔