حیدر آباد: سیلاب متاثرین کے امدادی کیمپ میں 2 جوڑوں کی شادی، ویڈیو وائرل 

حیدر آباد (نوائے وقت رپورٹ) حیدر آباد میں سیلاب متاثرین کے امدادی کیمپ میں منعقد ہونے والی شادی کی ویڈیو وائرل ہو گئی۔ ملک کی تاریخ کے بدترین سیلاب میں اپنا سب کچھ گنوانے والے سیلاب متاثرین نے بے گھر ہونے کے باوجود امید کا دامن ہاتھ سے نہیں چھوڑا، حیدر آباد میں سیلاب زدگان کیلئے لگائے گئے امدادی کیمپ میں ہونے والی شادی کی ویڈیو سوشل میڈیا پر وائرل ہو گئی۔ سیلاب کے باعث ضلع دادو کی تحصیل خیر پور ناتھن شاہ نے آنے والے دو جوڑوں کی شادی حید رآباد کے علاقے قاسم آباد کے گورنمنٹ گرلز کالج کے امدادی کیمپ میں ہوئی، شادی کیلئے باقاعدہ سٹیج بھی سجایا گیا اور رسمیں بھی کی گئیں۔
سیلاب کیمپ شادی