وہاڑی کی طالبہ صائمہ شہباز کی کتاب اظہر سلیم مجوکو کی انشائیہ نگاری شائع ہوگئی 

ملتان (نمائندہ نوائے وقت) گورنمنٹ پوسٹ گریجویٹ کالج وہاڑی کے شعبہ اردو کی امتیازی پوزیشن حاصل کرنے والی ہونہار طالبہ اور لکھاری صائمہ شہباز کی پہلی کتاب اظہر سلیم مجوکہ کی انشائیہ نگاری شائع ہوکر اپنے موضوع کے اعتبار سے  علمی وادبی حلقوں میں خاصی پذیرائی حاصل کر رہی ہے‘ اس کتاب میں صائمہ شہباز نے معروف ادیب کالم اور انشائیہ نگار محمد اظہر سلیم مجوکہ کے مجموعہ شامت اعمال میں شامل انشائیوں کا تجزیاتی اور تقابلی جائزہ پیش کیا ہے۔  انہوں نے صنف انشائیہ کے ماضی حال اور مستقبل کا بھی خوبصورت منظر نامہ پیش کیا ہے۔