انجمن حمایت اسلام کی دعائیہ تقریب میں فوج کے بہادر سپوتوں کو خراج تحسین 

لاہور (خصوصی نامہ نگار) انجمن حمایت اسلام کے صدر سیّد ضیا حیدر رضوی نے دعائیہ تقریب میں پاک فوج کے بہادر سپوتوں کو خراجِ تحسین پیش کیا اور کہا کہ پاکستان کے ہر دشمن کی ناکامی کا سہرا پاک فوج کے شہدا کے سرپر ہے۔ زلزلوں، سیلابوں اور دیگر قدرتی آفات، دہشت گردی و حادثات کے دوران میں بھی ہمارے سرحدی محافظ ہی مدد کو آتے ہیں۔  تقریب میں سیکرٹری فنانس مرزا خادم حسین جرال اور چیف انٹرنل آڈیٹر مدثر لطیف راں کے علاوہ اصغر علی، ندیم احمد، کاشف سلیم اور سیکڑوں ملازمین، کارکنان اور طلبہ نے شرکت کی۔