طاہر چوہدری کے اعزاز میں ادبی، ثقافتی تنظیم وجدان کی طرف سے تقریب 

لاہور ( کلچرل رپورٹر) ایڈیٹر اردو ٹائمز یوکے،معروف صحافی اور سماجی شخصیت طاہر چوہدری کے اعزاز میں ادبی و ثقافتی تنظیم وجدان کی طرف سے ایفوس کلب میں تقریب کا اہتمام کیا گیا۔ تقریب کے مہمان خصوصی طاہر چوہدری کے بارے میں اظہار خیال کرتے ہوئے حاضرین نے کہا کہ دیار غیر میں رہتے ہوئے وہ پاکستان کی ثقافت اور ادب کی بھرپور ترویج کر رہے ہیں۔ وہ پاکستان کے صحافتی و ثقافتی سفیر ہیں۔ کئی سالوں سے یوکے اردو ٹائمز کے ذریعے برطانیہ میں رہنے والے پاکستانیوں کی آواز بنے ہوئے ہیں۔ فطری طور پر وہ بہت حلیم اور عمدہ انسان ہیں۔ ادبی و ثقافتی تنظیم وجدان کے چیئرمین نبیل نجم نے طاہر چوہدری کو  گلدستہ پیش کیا اور تمام معزز مہمانوں کی شرکت کا شکریہ ادا کیا۔اس کے بعد شرکا کو پرتکلف ظہرانہ پیش کیا گیا۔