ٹورنٹو:پاکستانی اداکارہ سجل علی نے ٹورنٹو انٹرنیشنل فلم فیسٹیول میں اپنی فلم ’واٹس لَو گوٹ ٹو ڈو ود اٹ؟‘ کے پریمیئر میں شرکت کی۔ فلم عمران خان کی سابقہ اہلیہ اور  برطانوی فلم ساز جمائما گولڈ اسمتھ کی تخلیق کردہ ہے جو اس کی  شریک پروڈیوسر سمیت مصنفہ بھی ہیں۔فلم کے پریمیئر میں عمران خان اور جمائما کے دونوں بیٹوں سلیمان اور قاسم خان نے بھی شرکت کی۔پاکستانی اداکارہ سجل علی کی چیئرمین تحریک انصاف عمران خان کے بیٹوں کے ہمراہ تصاویر نےدھوم مچادی ہے۔ایونٹ کے ریڈ کارپٹ پر فلم کی دیگر کاسٹ کے علاوہ سجل علی کی عمران خان کےدونوں بیٹوں کے ساتھ بھی تصاویر بنائی گئیں جو اب سوشل میڈیا پر وائرل ہیں۔ادکارہ اور کپتان کے مداح ان تصاویر کو خوب پسند کررہے ہیں اوراب سجل علی کپتان کے کھلاڑیوں کی فیورٹ اداکارہ بن گئی ہیں۔