ایشیا کپ کے فائنل معرکے میں‌ پاکستان نے سری لنکا کے خلاف ٹاس جیت کر پہلے فیلڈنگ کا فیصلہ کیا . ایشیا کپ کے فائنل میچ میں‌ قومی ٹیم کے کپتان بابراعظم نے ٹاس جیت کر سری لنکا کو پہلے بیٹنگ کی دعوت دی تھی۔سری لنکا نے پہلے بیٹنگ کرتےہوئے پاکستان کو171رنزکابڑاہدف دیاہے۔سوشل میڈیا صارفین جو میچ کےآغاز میں وکٹوں کے مسلسل گرنے پر خوش تھے اب اتنے بڑے ہدف پر تسبیح،جائے نماز والی میمز شئیر کرتے نظر آرہے ہیں۔پاکستانی شاہین لنکن ٹائیگرز کے سامنے بےبس نظر آئے اور ایک پر ایک کیچز پکڑے جانے پر پویلین لوٹ گئےسری لنکانےپاکستان کو 23رنزسے شکست دیدی ہے۔اگر سری لنکا کی ایشیا کپ تاریخ دیکھی جائے تو سری لنکا  1986 میں پاکستان کو شکست دے کر پہلی مرتبہ ایشیا کپ کا چیمپیئن بنا تھا جبکہ دوسری مرتبہ 1997، تیسری مرتبہ 2004، چوتھی مرتبہ 2008 اور پانچویں مرتبہ 2014 میں ٹائٹل اپنے نام کیا تھا۔دونوں ٹیمیں اب تک تین مرتبہ ایشیا کپ کے فائنل میں ایک دوسرے مدمقابل آچکی ہیں۔