منشیات فروشوں سمیت 7 ملزم گرفتار 2 کلو 520 گرام چرس برآمد

 لاہور(نامہ نگار)سبزہ زار پولیس نے ریکارڈ یافتہ منشیات فروشوں،مفرور اشتہاریوں اورعادی مجرمان کے خلاف کریک ڈاو¿ن کرتے ہوئے 7 ملزمان گرفتارکر لئے ہیں۔ سبزہ زار پولیس ن تعلیمی اداروں،ہاسٹلز اوربس اڈوں کے گردونواح میں منشیات فروخت کرنے والے 2 بدنام زمانہ منشیات فروشوں اشرف اور نیاز کو گرفتارکر کے مجموعی طور پر 2 کلو 520 گرام چرس برآمدکر لی ہے۔مفرور اشتہاری ملزمان علی نجف، رفیق اورارسلان گرفتارکیا،ملزمان کےخلاف موٹرسائیکل چوری اوربجلی چوری کے مقدمات درج تھے جبکہ دیگرکارروائیوں میں 2 عادی مجرمان فخر اور ارسلان کوگرفتار کر لیاہے۔پولیس کا کہنا ہے کہ عادی مجرمان کے خلاف موٹرسائیکل چوری اور نقب زنی کے 30 سے زائد مقدمات درج تھے۔