مختلف جرائم میں ملوث 3ریکارڈ یافتہ ملزم گرفتار‘5کلو سے زائد چرس برآمد

لاہور(نامہ نگار) پولیس نے مختلف جرائم میں ملوث 3ریکارڈ یافتہ ملزمان کو گرفتار کر لیاہے۔ فیکٹری ایریا پولیس نے دوران چیکنگ، ڈکیتی، قتل اور چوری کے 15 مقدمات میں ریکارڈ یافتہ 3 ملزم عامر، شہباز اورعمر کو گرفتار کر کے 5 کلو سے زائد چرس برآمدکر کے مقدمات درج کر لئے ہیں۔پولیس کا کہنا ہے کہ دوران تفتیش ملزمان نے تعلیمی اداروں، ہوسٹلز اورکالجز کے اطراف میں نو جوان نسل کو منشیات بیچنے کا اعتراف کیا ہے۔