لاہور (خصوصی نامہ نگار)انٹرنیشنل ختم نبوت مو¿ومنٹ ورلڈ کے امیر مولانا ڈاکٹر سعید احمد عنایت اللہ سے مکہ مکرمہ میں ان کی رہائش گاہ پرعمرہ پرآئے ہوئے مولانا عبدالغفور (گلاسگو)،مولانا ریحان کلیم (گلاسکو)،مولانا عبدالمنان(انگلینڈ)،مولاناحمزہ (انگلینڈ)نے ملاقات کی۔ اس موقعہ پرمولانا ڈاکٹر سعید احمد عنایت اللہ نے ان علمائے کرام سے گفتگو کرتے ہوئے کہاکہ یورپ سمیت پوری دنیا میں اسلام تیزی کے ساتھ پھیل رہاہے۔ ”اسلا مو فوبیا“ کی شکار اسلام دشمن قوتوں کی طرف سے آزادی اظہار رائے کی آڑمیں آئے روز یورپ میں توہین رسالت اورقرآن مجید کی بے حرمتی کے مذموم واقعات بھی اسلام کی دنیا میں بڑہتی ہوئی اشاعت کو نہیں روک سکے اور نا ہی نسل نو کے سینوں میں حضور خاتم النبیین کے ساتھ والہا نہ عشق و محبت کو کم کرسکے۔ اس وقت عالمی سطح پر نسل نو کے ایمان کو خراب کرنے اور ان کو کفروا لحاد میں دھکیلنے کی منظم کوششیں ہورہی ہیں۔