لاہور(نامہ نگار)پیپلز پارٹی کے سینئر رہنما عابد حسین صدیقی نے کہا ہے کہ جس طرح سے ایک جماعت نے سوشل میڈیا پر کروڑوں درخت لگا دئیے تھے۔ سوشل میڈیا پر ہی ایک کروڑ نوکریاں دےدی تھیں اور سوشل میڈیا پر ہی 50 لاکھ گھر بنا کر دئیے تھے۔ وہی جماعت جس کانام پی ٹی آئی ہے۔ اب وہ ہماری لیڈر شپ کے خلاف جھوٹے اور من گھڑت پروپیگنڈے پر اتر آئی ہے۔پہلے ہماری ایک سابق وفاقی وزیر کے گھر اربوں روپے ہونے کی جھوٹی اور بے بنیاد خبر پھیلائی۔ناکامی ہوئی تو اب براہ راست ہمارے چیئرمین اور سابق صدر مملکت کے متعلق یہ خبر پھیلائی جا رہی ہے کہ وہ ایک پیج پر نہیں ہیں۔