لاہور (سپورٹس رپورٹر)پاکستان کا ڈومیسٹک کرکٹ سیزن 24-2023 ءقائداعظم ٹرافی کےساتھ شروع ہوگیا جس میں آٹھ ٹیمیں شریک ہیں۔گزشتہ روز چار میچوں کا آغاز ہوا۔ راولپنڈی کرکٹ سٹیڈیم میں راولپنڈی نے فاٹا کو ٹاس جیت کر پہلے بیٹنگ دی جس نے پہلے دن کھیل ختم ہونے پر 5وکٹوں پر196 رنز بنائے تھے۔ محمد عثمان نے 99‘خوشدل شاہ نے64 رنز بنائے۔ایبٹ آباد میں پشاور ریجن اور کراچی ریجن کے میچ کے پہلے دن پشاور نے ٹاس جیت کر کراچی کو بیٹنگ دی جس نے 6 وکٹوں پر267 رنز بنائے تھے۔ خرم منظور نے87 ‘ اسد شفیق نے70 رنز بنائے ۔ کپتان سرفراز احمد 28 رنز پر ناٹ آو¿ٹ ہیں۔ محمد الیاس نے چار وکٹیں حاصل کیں۔لاہور وائٹس اور لاہور بلوز کے درمیان قذافی سٹیڈیم میں ہونےوالے میچ کا ٹاس لاہور وائٹس نے جیتا اور لاہور بلوز کو بیٹنگ دی جس نے 7 وکٹوں پر 247 رنز بنائے تھے ۔ حسین طلعت 61رنز بناکر آو¿ٹ ہوئے۔جنید علی 51 رنز پر ناٹ آو¿ٹ ہیں۔شعیب اختر سٹیڈیم راولپنڈی میں ملتان ریجن نے فیصل آباد ریجن کےخلاف میچ میں ٹاس جیت کر 43 اوورز میں 145رنز بنائے تھے اور دو کھلاڑی آو¿ٹ ہوئے تھے۔ زین عباس نے 65 رنز کی جارحانہ اننگز کھیلی۔